لي مدة ٍماعرفت النوم والراحه ..

لي مدة ٍماعرفت النوم والراحه
كله على شان خل ٍ مسهر عيوني






الجادل اللي بوسط القلب سبّاحه
مكانها فالحشا ثابت ومضموني






أهديتها الحب مع قفله ومفتاحه
وحلفت ما خونها لو زادت طعوني






تلعب بقلبي لعب شاعر بمسباحه
وانا على كيفها وان طحت خلوني






أخفي غلاها وعين العشق فضّاحه
أسهر من اسبابها ولا تلوموني






أصد عنها سيوف العذل ورماحه
ياشمسي اللي تنور في سما كوني






لك صورة ٍ من غلا ماهيب منزاحه
صوّرتها بالشعر والفكر وشجوني






دلوعة القلب مزيونه ومزّاحه
وانا على شوفها هايم ومجنوني






خفيفة الدم مطنوخه ولمّاحه
مفتونة ٍ هايمه في حب مفتوني






لا سلهمت بالعيون السود ذبّاحه
وأليا أغضت ابها تشوف الموت بالهوني






ياجعلني فدوته لو عفت انا الراحه
ولاهي كثيره لو انه يسهر عيوني