طريقه ورق عنب خطنطرة

[size=21]طريقه عمل الورق عنب

المقادير:.
قرشة ورق عنب اي نوع وانا افضل اورلاندو او العلالي البيضاء
1 بصل كبيرة مفرومه
2 طماطم مقطعه مربعات صغيرة جدا
3 فص ثوم مفروم
شوية كزبرة
بهارت ع حسب الرغبه
حبة ماجي
شطة تاباسكو الحارة ع حسب الرغبه
نص كيس صبارة او (التمر الهندي)
نص كاس ليمون معصور
3 حبات ماجي
2 ملعقه ليمون اسود
2 ملعقه دبس الرمان
ربع كاس زيت
مويا ع حسب
1 كوب رز مصري

الطريقه:.

اول شئ نغسل الرز ونحطه بمويه مغليه ونخليه يستوي نص استواء
بعدها ناخذ البصل والثوم ونحمره ع الزيت بعد مايذبل البصل نضيف الطماطم ونغطيه حتى يذوب الطماط
بعدها نضيف حبة ماجي والبهارات والشطه بعد مايختلطون تمام نضيف الكزبرة والرز ونطفي النار عليهم
بعدها نضيف الرز بعد مانصفيه من المويه..ونخلطهم مع بعض

بعدها نحشي الورق بعد غسله بالحشوة هذي ونصفه بالصينيه

مقادير الصلصه:.

ناخذ عصير الليمون ونوزعه بالصينيه ع الورق عنب ...بعدها ناخذ نص الصبارة ونحطها بماي مغلي لحد
ماتتفكك وتجمد وتغلي تمام..بعدها نصفيها من الحبوب..ونحط المويه بالصينيه مع الليمون..نضيف دبس
الرمان وناخذ كوب ماي حار ونذوب فيه الماجي ونضيف الليمون الاسود معه ولحد ماتذوب الماجي ونضيفه
بالصينيه نضيف الزيت... بعدها المويه ..المويه تضيفها لحد ماتغطي الورق عنب مو نملي الصينيه لا بس نغطيها
ع خفيف بحيث نقدر نشوفه..بعدها نغطي الصينيه بالقصدير ونحطها بالفرن..لمدة ساعه او لحد ماتنشف
الصلصله.ونتركه لحد مايبرد ولا نشيل القصدير عشان مايصير لونه اسود

في اضافه للي يحبها قبل لانصف الورق عنب بالصينيه ناخذ 3 حبات بطاطس ونقصهم حلقات..وبصل ابيض ع
حسب الرغبه ونقصه حلقات ونصفهم بالصينيه ونغطيهم بالزيت مو نغطيهم يعني نملى الصينيه لا ..يكون يغطي البطاطس شوي..نحطه ع النار ونغطيه لمدة 10 دقايق وبعدها نطفي النار ونصف الورق عنب
وقبل لانغطيه بالقصدير نضيف حلقات فلفل اخضر من فوق وحلقات جزر

بعد مايستوي نصفه بصينيه التقديم بحيث يكون البطاطس والبصل بعدها الورق عنب وبعدها الفلفل والجزر
ونضيف ليمون شرائح مع خيار شرائح للتزيين
وعوووافي

[/size]

شكرا